على حالة الوتساب

يأعز البشر طال انتظاري وليلي طال
واشوفك مطنشني و لا ادري وش المقصود

تعذّبت أنا وتْعذّب الهاتف الجوال
سهرّته على شانك معي والعباد رْقود

على حالة الوتساب اتابع وش الاحوال
واراقب ظهورك بعد غيبتك لين تْعود

وَ لا منك جاني لا تْصالٍ و لا مرسال
وأنا كل ما ابعث لك رساله ما جاءْ مردود

وان دقيت جوالك ما يمسك معي لارسال
ومرّه على الصامت و مرّه على موجود

مأدري ياحبيبي لا متى نْعيش في ذالحال
تزيد انت بعنادك وعندي غلاك يْزود

ملكني غرامك ملك من يوم حنا اطفال
كأني لحبك عبد من يوم انا مولود