حالة الوتساب

صحيح العتب فالحب ما يفرّق الاحباب
بقيمة غلاه يْعاتب الغالي الغالي

واجمل حب لامن صار حبٍ بدون عْتاب
في وارف ظلاله تشعر بْراحة البالي

وانا من دروب اهل الهوى خاطري ما طاب
ولي عشقة ما ني بعن حبها سالي

وقعت بْغرام الغاليه والهوى غلاّب
محبة شرف واخلاص في كل الاحوالي

لها من اسمها قسمٍ يزيد الجمال اعجاب
مأحد مثلها غالي وحتى اسمهاغالي

لاحجار الكريمه يحتويها اسمها الجذاب
بخمسة حروف تجتمع كل الاشكالي

من خوفي لا احد يشك فيها و لا يرتاب
وتكشف سراير حبنا وْ تقطع امالي

على شانها غيّرت انا حالة الوتساب
ما ودي باحد يفطن الى رقم جوالي