حالة استثناء

خذي مختصر عن قصتي من خلال سطور
لك ما طلبتيني ... ومني لك الإرضاء

بعيدٍ عن الاسفاف ... والغث ... والمكرور
خذي أبلغ الحكمه من الواثق المستاء

أنا يا فتاتي حالةَ في جبين النور
وبيني وبين الغير فوارق ولي أشياء

لي إحساس ما يكذب ولي ف السحاب شعور
ولي ف القمر واحه ولي ف الشموس أنباء

ولي ف البحور نجوم ولي ف النجوم بحور
ولي ف العقل أصحاب ولي ف الجنون أعداء

ولي ف الكتب نبذه ولي ف القمم عصور
ولي فخر ف التاريخ ولي مجد ف العلياء

ولي ف الصلاة إحساس ولي ف الفعول شبور
ولي ف الثرا سجده ولي ف السما معطاء

ولي ف الحقايق علم ولي ف البطوله دور
ولي مبتدا ف الدور ولي ف الخبر أجزاء

ولي صدر ف الإبداع ولي ف الغرام صدور
ولي ف الصدر بنات ولي ف الصدور أبناء

ولي ف الكلام أفعال ولي ف الخيال قصور
ولي ف الجمال اسلوب ولي ف الجميل آراء

ولي ف اللغه أعيان مِزاجُها كافور
ولي بينهن تسنيم ولي عندها حسناء

ولي ف البيان علوم ولي ف البديع أمور
ولي ف الفصيح لسان ولي ف البليغ إنشاء

ولي ف الفكر إيضاء ولي ف البصيره نور
ولي ف المعارف حب ولي ف الجهل بغضاء

ولي مدرسه ف الذوق ولي ف الفصل طبشور
ولي ياء قبل الألف ... ولي ألف بعد الياء

ولي أبجدة فنان ولي ف النقط منظور
ولي ف الخطوط أشكال ولي ف الشكل أزياء

ولي عمق ف الأبعاد وف اللون لي فسفور
ولي إيقاع متفرد ولي سحر ف الأداء

ولي ف الرسم جملات ولي ف القصيد جذور
ولي ف الجمل عصمه ولي ف السحر عصماء

ولي ف الزهر لمسات ولي ف الصخور حفور
ولي ف الذهب بصمه ولي ف الأصيل إمضاء

ولي ف الكنوز إناث ولي ف الإناث ذكور
ولي ف الورق حُرَه ولي ف الفضا سُجناء !

ولي ف الطلاقه دور ولي ف المرونه حور
ولي ف الفراسه شى ولي ف الفطن أشياء

ولي ف الأغاني برق ومضة بروفوسور
ولي إخفاء ف الإظهار ... ولي إظهار ف الإخفاء

ولي ف العلالي غيم ولي ف الوطا ممطور
ولي بينها نسمهولي وسطها أغواء

ولي ف الخريطه أرض ولي ف المدينه دور
لي وسطهن أصوات ... لي بينهن أصداء

ولي ف الرحيل إقبال ولي ف الغياب حضور
ولي ف القبال أنوار ولي ف الحضور أضواء

ولي هرج ف الإنصات ولي ف الحديث زهور
ولي ف الزهور ألوان ولي ف العطور أسماء

ولي حكمةٍ ف الحلم ولي ف التأني طور
ولي نظرةٍ ف الصوت ولي ف الشفاه إصغاء

ولي ميزةٍ ف الصبر ولي ف السكات دهور
ولي مبسمٍ ف السمع ولي ف السكوت إلقاء

ولي ف التواضع طبع ولي ف المجاز غرور
ولي ف الغرور آداب ولي ف الآداب إثراء

ولي ف الصداقه نهج ولي ف الغلا دستور
ولي ف المناهج رمز ولي ف الهوى إيماء

ولي ف الكتم ثريه ولي ف السدود قبور
ولي ف القبور أموات ولي ف التراب أحياء

ولي خير ف أهل الخير ولي ف الشرور شرور
ولي بدء ف الإبداء ... ولي نهي ف الإنهاء

ولي ف الرفيق حجاج ولي ف الغريم كسور
ولي ف الفا مبدا ولي ف الوفا سيماء

ولي ف العوافي ضن ولي ف اللزوم طيور
ولي ف الامر وقفه ولي ف الوقوف إجراء

ولي ف المساري ذيب ولي ف الهداد صقور
ولي ف السهر وجهه ولي سر ف الظلماء

ولي ف الهجاد جياد ولي ف السروج ذخور
ولي ف اللزز داحس ولي ف الطرد غبراء

ولي ف الثقال جمال ولي ف العظايم سور
ولي ف المقام ظلال ولي ف المقال أرجاء

ولي ف الوجد ذوبه ولي ف الخلو سرور
ولي ف الجوى تيمه ولي ف الحنبن إضناء

ولي مخلده ف الغيث ولي ف الرياح بذور
ولي ف الرواكد ريح ولي ف الهبوب إفناء

ولي ف الأمل إسراف ولي ف الاماني جور
ولي ف الرجاء معراج ولي ف الطموح إسراء

ولي ف الزمن أخطاء ولي ف الظروف ظهور
ولي ف قاعده ف الوقت تُبنى من الاخطاء

ولي ف الشهور أيام ولي ف السنين شهور
ولي ف الفرح غُمه ولي ف الهموم أجواء

ولي ف الرخا شدوه ولي ف الشدايد زور
ولي ف الشدو غفوه ولي ف اللحن إغفاء

ولي ف الشجن دوحات ... لي بينهن عصفور
له ف الشجر أفكار ... وله ف الغنا إهداء

ولي حرفنه ف النسق ولي هندسة ديكور ؟!
ولي ف المجال فنون ولي ف الفنون إفتاء

ولي ف التميّز إسم ولي ف الوداد جسور
ولي ف السجا وادي ولي ف الهيام إيحاء

ولي جبر ف العثره ولي ف الكسور جبور
كذا تُعزف القطعه الى الوردة البيضاء!!

أنا يا ملاذ النحل ذات الشواظ الحور
عشقت البصر مالي وللفاتن العمياء

أنا يا خمايل جنةٍ طلعها من نور
ألف ... باء ... عندي غير عن كل ألف ... وباء

عرفتي لماذا أسمع صدى إسمي مع الجمهور؟!
لأني مثل ما تسمعي حالة استثناء!!!