اجيبها عدلة - سعد الودعاني

اجيبها عدلة تجي عوجا وتشعلني حريق
وان جيت اطفيها لواهيب الظروف تكرها

لاعاد تشره احتملها دام عاد اسمك صديق
خاويتني حلو الدروب اصمل معي في مرها

خبري بك ابشر بسعدك يالله عسى ماهو عتيق
كانك عليه نعومك وخوتك لله درها

عوايد ايام الرخى تردف وراها ايام ضيق
بس العوايد تختلف فالضيق وايام الرها

مايوجع الرجال يارجال لهدات العشقيق
وان جات من مثلك على الاضلاع يبطي حرها

ياليتها تنشاف اوليتك على صدري تويق
حتى تناظر بام عينك واتعرف مقرها

على الصدر جاه من التقدير لازليت سيق
له تندمح وليا خذيت ايام جيت تجرها

شين مقفاها وشين اقبال دعوى ماتليق
وين انت ضاويني بها على قبلها سرها

هي احصلت وانا ترى شفني على نفس الطريق
ماصحت لي من علة الا وقعت بشرها

لكن على خبرك ولا بليت للمنقود ريق
اليا افتحوا لي جيبها دونك رجعت ازرها

في سلم جدي نستر الخله ليا بار الرفيق
طمرتها كله عشان ارفا خمل من طرها

بنت الهقاوي راسها يفره الكف الطليق
وروس النشاما غير هقوات الوفا مافرها

عساك سالم انسها قفت وصدرك لايضيق
قدامك فجوج العرب دنيا وسيع برها

اشعب ذلولك بينهم من ذا الفريق لذا الفريق
ان القحت ولا الجمل يا لاجودي ماضرها

© 2024 - موقع الشعر