&حالة طــــــــــــلاق& - مسلم الحويطي

اقبل لها في وجه عابس ويختال
وارسل عليها من يمينه ثلاثه

غلطة عمر،ساعة غضب حاست الحال
وفارق كحيل العين دون اكتراثه

وانسابت الدمعه على الخد همال
احر من جمرٍ شديد انتفاثه

لدت نظرها للعبايه والاطفال
والكبد يحرقها الزعل والغثاثه

من هو لها في سن ياس وتبهدال
والراس بعد الويل مثل الكباثه

ماتملك الحيله ولاتملك المال
واولادها تلبس ملابس رثاثه

عاشت وعاشوا اطفالها عند الاخوال
والزوج باع البيت واهدا أثاثه

لاتجعلون امر الطلاق اول الفال
لاتاخذون الوضع لعب وعباثه

وين الصبر والحكمه وطولت البال
اللي بها تقدر تلافى الشراثه

اللي يهدي الروع عاقل ورجّال
من قبل لايسلك دروب الغلاثه

© 2024 - موقع الشعر