مدري أشكي الْ شَمْهروش ! يحلّني من هالطميّه
سيّد الْ تلك العروش ! في فصاله يفرقي
والا بنته للاّ عايشه ! تمسك أطراف القضيه
تبعد اللي في غوايشه غطّى عقله ومطبقي
دام فهم الإنس قصّر ! ما يجيبه لي بريّه
من هوى العشاق مقفر! جوها خالي ونقي
الغضيّه الغضيّه ! مابي غيره لي شهيّه
ما تناسبني البهيّه ! غير زوله أمحقي
مابي قلبه به شريك ! لو هو طيّب أو أذيّه
ماتحمّل شكل هيك ! وقولة اللي يسبقي
دام بالدنيا مسافه ! دام بالعُمُر بقيه
لا تخلّين الكسافه ! تمتطي قلب الشقي
حاير(ن) ما نام ليله ! ماهو لجل السامريه
من غرام(ن) فاض كيله أرهق القلب وبقي
لاتلومون المولّع في غرام الغشمريه
ذي حياة اللي تملّع في طميم(ن) يغرقي
الشعر إن منكتب به ! عندي ما يسوى الرديّه
وان جرى في وصف حبّه ! له وحيف ويبرقي
ويلي ويلي آه ويلي ! من حياة الدهدهيّه
من عذاب(ن) فت حيلي ! وانتظار(ن) يحرقي
من تردّد بالمحبه ! جاك ذيب وجاك اوخيّه
مرة(ن) قولة أحبه ! نوب صلف المطرقي
أعرف اللي تكتبينه ! ما خفى شي(ن) عليه
والتمرجح بالسفينه ! أحمى كبدي ويحمقي
علمي واضح يالبنيّه ! مثلها هالشمس حيّه
البكاشه ماهي ليّه ! ما نلفّ المنطقي
والتّهم عني قصيّه ! ما مشيت بسود نيّه
ما بغيته بالرديه ! مثل قول(ن) يطرقي
عاقل(ن) واعرف طريقي ! مانصيت أنياب حيّه
والكلام اللي يعيقي ! نافض(ن) منه اخلقي
دوك علم(ن) ما عرفته ! كان عندك لي وصيه
إن لزمته ما نسفته ! ماحترينا الملحقي
عبد ابن غنّام يركض واحلولا يالركيّه
موتة(ن) ولاانهزام ! يالفطينه إفرقي
ما يكود الا الغبينه والحسر وايا النكيّه
اتركي اللي مانْعينه والقديم المطلقي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر - بواسطة شركة المبرمجين