سبّة غلاها

يسعد عيون اللي دعت يسعد العين
المُترفه ستّ الحسن فدوُة دُعاها

أشهد شهادة حقّ فيها عناوين
من تاه ينشد عن عيونٍ تراها

يمدح بها الخايب جْمل والجّمل وين؟
ما يدري انّ المدح يطلب رضاها

والله خبل والخبل من خلقته شين
وليا ارتفع راسه يطقّ ابحذاها

سولفت عنها حسين واتورط حسين
من يومها وحسين يطرد وراها ?

مخلوقةٍ من طين والنّاس من طين
سبحانه اللي خصّ فيها حلاها

بسمة ثغرها تقسم القلب نصّين
نصفٍ مع العالم والاخر معاها

ولا سلهمت بالعين تقلب موازين
كل الكواكب لين تلعن ثواها

لبّى أهلها والغلا حيل غالين
غالين تدروا ليه ؟؟ سبّة غلاها