أنته علاجي وأنت سبة صوابي - محمد بن باني المخاريم

البارحه هاجوس قلبي دوابي
وهمٍ على رب العباد أنفراجه

أجاذب الونات من ما وزابي
والقلب مشعوفٍ وزاد أرتجاجه

على لطيف الروح ترف الشبابي
اللي هدب عينه يغطي حجاجه

لامن شبح بالعين حل البلا بي
والا هرج لي هرجة بانغناجه

أضك مع السالين واكن مابي
والدمع من عيني يزيد أنزعاجه

عليك ياراعي الثمان العذابي
يسقى علي يازين يوم انتواجه

أن غبت ياخلي تزايد عذابي
وأن شفتكم قلبي يزيد أبتهاجه

ياصاحبي عالج صوابٍ سطا بي
حيثه مع غيرك صعيبٍ علاجه

أنته علاجي وأنت سبة صوابي
وقربك دوا قلبي وبعدك فلاجه

يازين لو جيتك بليا منابي
تستنكر الجيه على غير حاجه

أخيف نمامٍ يقول الكذابي
نقل الحكا دوبه وغاية مزاجه

نمام بأول شبته لين شابي
مايدري أن نقل النمامه سماجه

عندي حكا فيكم وعندك حكابي
عسى عليه النوح يكثر صجاجه

© 2024 - موقع الشعر