ودي أعلن كلمةٍ لي وتسمعها البشر
يعتبر منها المحنّك وينساها الغبي
أنت ياللي كثر مالك وطاريك أشتهر
وصار كلٍ وده يصير منك مقربي
لاعطاك الله وجيبك من المال أنفجر
كيف تبخل في أبن عمك وتكرم لأجنبي
تكرم القاصي وتصرف عن الربع النظر
وجانبك زينٍ للأجناب ولربعك وبي
كان ذا جهلٍ ف.راع الجهالة ينعذر
والخطاء ماحدٍ سلم منه ياكود النبي
وأنتبه لايّامك ألمقبله وأخذ الحذر
وإن هذا طبعك فتخسا وتخزا وتهبي
كان ماقدّرت ربعك فلا عندك خبر
صرت مثل اللي مع الناس ماله مذهبي
لاجنبي لا لحْقك الضيم جنب وأعتذر
وأبن عمك لاصفق منكبٍ في منكبي
ياقف بصفك وياطا على ثرك الخطر
عاصبٍ رأسه ومعه السلاح مزّهبي
محزمٍ عند اللوازم تشد به الظهر
لاجتمع لمع النمش والمحبب لاشهبي
ودي أعلمك وخذ الدروس من العبر
واعتبر من فعل راع الوفا الحر الأبي
ذاك فهد فريج حرٍ على العليا شهر
دايمٍ في قمة المرجلة مايغتبي
نظرته صوب المعالي على طول الدهر
ماضي فعله وطيبه ماهوب يجّربي
يكرم الأقصى والأدنى ووقفاته فخر
يوم غيره عند ربعه مثل راس الضبي
والختام أ زكى صلاةٍ على سيد البشر
الأمين وخاتم الرسل ما بعده نبي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين