يا أنتي..أنتي:

يا أنتي ؛ أنتي والهواء ؛ يتجه لك
السالفة ؛ ما فيه باليد ؛ حيله

القلب ؛ بأشواق التلاقي ؛ ندَه لك
والآدمي ؛ بالحب قلبه ؛ دليله

دقات نبض القلب من يرفعه لك
أحسني ؛ فيها بروحٍ ؛ عليله

وإلا ؛ جمال الكون لو نجمعه لك
تضل ؛ بالجمال حاله ؛ هزيله

ما أنتي جميلة شوفنا نفضحه لك؟
ما أنتي جميلة..أنتي أجمل جميله!

أنتي ؛ ملاك الحور ما نشفعه لك
بالكوثر اللي صافيٍ ؛ سلسبيله

صورة خيالي فيك كيف أوصفه لك؟
حمرة شفاهك فيك جمر المليلة

تمشي لك أقدامي صعودك وسهلك
أشوف ؛ نفسي بالعيون الكحيلة

أخشى عيون الناس لا تنتبه لك
أخاف تقطع في وصالك وسيلة

ويلاااه ؛ لا شفتك تخطَّى ؛ بمَهلك
في خطوةٍ بالحيل ما هي ؛ مِهيله

حتى أيش كلمة حب لو ألفظه لك؟!
وأقول : أحبك حب ربي ؛ وكيله

أو بالصخر قد أيش لو أنحته لك
ما يروي الضميان يابس صميله

أعرف في عرفك وأجهل بجهلك
على هوى وصل الخليل لخليله

المشكلة ؛ في دربنا أهْلي ؛ وأهْلك
يا كثرها ؛ تنشاف فينا ؛ القليله