يالعين وين أنتي عن النوم يالعيـن - خليف الوهيداني

يالعين وين أنتي عن النوم يالعين
هالليل نومك مبعداتآ ظعونه

والله لو أنك على النوم تبكين
النوم حال الضيق دونك ودونه

مير الصبري لا عاد للقلب تشكين
ويزيد قلبي من عذابك طعونه

وتكفين لا تزيدين مافي تكفين
مابي خفي مابا البشر يبخصونه

والسد لا منه طلع بين الاثنين
قاموا مقاريد البشر ينشرونه

والصبر مفتاح الفرج ذكر بالدين
وكم واحدن شاف الفرج في عيونه

والله فرج ليوب عقب مرضآ شين
وعقب ماذاق من الحياه المهونه

عقب ماكل جسمه من الدود ثلثين
جاه الفرج من واحدن يرتجونه

كل البشر أهل غناه ومساكين
له يرفعون كفوفكهم يطلبونه

لواحد الفرد الصمد فارج ادين
عالم باغيب الخلق لو يكتمونه

يالله يافارج من العسر للين
يامن تسوق الريح بامره مزونه

لرضآ دهر يبس شجرها من سنين
ومن الدهر هشم وماتت غصونه

يامرجعله عقب ماصار قسمين
عوده ولا فآ الهبايب ركونه

ياكتبآ عشرة عمر بين شصخين
ذكر وأنثى بسنة يتبعونه

ومن أدم وحوا خلقت الملايين
وفرقت بين الخلق شكله ولونه

اسود وابيض بس بالخلق لونين
والشكل أحسب أرضآ بها يسكنونه

هذا من أمريكا وهذا من الصين
وكلآ بشكله ولغه يعرفونه

وكل له مذهب ودين وقوانين
ومشى بطريق أهلن قبل يعبرونه

يامعاملن بني سرائيل بالزين
وموفر(ن)مايطلبون ويبونه

خلقه ونفذ ماطلبوا وهم طاغين
وكرم نبين بالطلب يرسلونه

عنهم عفى في كل ماهم ماسوين
وهم كتابه كانو يحرفونه

ويوم أنهم خانو وصاروا شياطين
وخوفه وعفوه واصلوا يجهلونه

من تحتهم ارضه جعلها برا كين
وخل الا من في بيوتهم يفقودنه

وخلقه سوى عنده بكل الموازين
كانوا عرب والا عجم بالنمونه

ماكرم الا خلق لجله مصلين
له يسجدون وبالخفا يسئلونه

اللي لهم في ماكتب رزق راضين
وماجا منه لو هو شقى يقبلونه

اللي على كتابه ومافيه ماشين
ومارسل رسوله فيه ماينكرونه

ذولى الرجال اللي بالفعال وافين
واللي وسام المرجله يلبسونه

اللي بحب الله والعز ناشين
واللي رزقه الله مايحسدونه

هم الذي عاشوا بربح الحياتين
وعند المصيبه ربهم يشكرونه

واللي باعيب الناس ماهو مضاهين
والله سترمن شوفهم يسترونه

وعاشوا عزيزيينآ وماتوا عزيزين
واللي مشى درب الخطا ينصحونه

ياالله ياكافل حيات المعاقين
يارازقن طيره وسبعه بكونه

يارب ياللي ماتبا يكون في حين
ياناصر بالدين من ينصرونه

يامجرين دم البشر بالشرائيين
عفوك قبل لي القبر يحفرونه

يارب لا مني تركت المحبين
ابا الستر والخير لي يذكرونه

وعفوك من ذنوبآ عليه ملايين
بايومآ به العالم جبر يحضرونه

يومآ حضوره مايحصل فيه بعدين
يومآ تغير فيه أمن حنونه

يوم أختبار اللي باهالعمر لا هين
اللي ورا مال الشقى يطردونه

وبالعمر ماسروا بعيد وقريبين
وماحصلو باوجيههم يلهمونه

ولا همهم ناس من البعد عانين
وقريبهم والجار مايقدرونه

ناسآ سعاره بالحياه ومجانين
أقرب قريب ليا حصل ياكلونه

وقت السعه بالهرج ماهو بسطين
أقوال والا الفعل مايضمنونه

ولا شفتهم تقول وش هالسلاطين
الطيب لو أنه بحر يشربونه

ووقت الشدايد ماحدن فيهم أيبين
والباب للمحتاج مايفتحونه

والطيب لو انه لناسآ غنيين
ان كان ثلثين العرب يتركونه

ماطاب بالموال كامل والبابطين
اللي بلد باموالهم يعمرونه

الطيب ملك اللي على الطيب ضارين
لو الفقر عضت أيديهم أسنونه

اللي لهم بالطيب ذكر وعناوين
لو هو سبب في فقرهم يشترونه

اللي كرمهم مع بعيدين وادنين
وخف القدم للمرجله يتعبونه

ولا يذبحون ليطفهم دون ثنتين
لو أنها دين وعقب يدفعونه

واللي لهم ذكرآ يسر الحجاجين
ويحشمون الظيف ويكرمونه

وكلآ يراقب كلمته قبل لا تبين
الهرج قبل بدايته يفحصونه

من شان ماياتون بالهرج مخطين
ومن جا خطاه بلا سبب يدبونه

وليا عطوا يعطون رؤس البعارين
شطرآ قبل مقيول زلت حتونه

قوم(ن)بفعل الطيب دايم ماسمين
طبع(ن)ولد معهم ولا يتركونه

سبحان من له يسجدون المصلين
خلاق كون الناس مايعلمونه

وجيال تخلق فيه وجيال فانين
وكل حفظ للجيل مايفعلونه

تحفظ قصص وشاعر وسط الدواوين
وحين بقى عن مامضا ينشدونه

وتبقى علوم الطيب والطيب يبين
والا الردي منسي قبل يدفنونه

وعزي لحال اللي عن الطيب مقفين
ينزلون الراس مايرفعونه

واللي فعوله ماعليها باراهين
هرج الكذوب الناس مايهرجونه

© 2024 - موقع الشعر