ولادة وفاه

لـ فواز بن لطيّف الفايدي، ، في العتب والفراق، آخر تحديث

ولادة وفاه - فواز بن لطيّف الفايدي

ولدت من قبْل خمس سنين وزياده
والروح دبّت في عْروقي وشرياني

أكبّر الأمنية وأحلامي وساده
وأغني لطرفي لين النوم يغشاني

ويطول حلمي سنه وصار ميعاده
وأخلف بميعاده وْ لا زال يجفاني

وأموت مع حلمي اللي مات برقاده
وأدفن بقايا أمل والصبْر ينعاني

وأرجع قبل عام وأحيا ثاني ياساده
وأعيد وأرتب التاريخ من ثاني

وأعزم شتات المشاعر يوم ميلاده
ويبدأ إحتفال العمر والحفل من شاني

ويلبس لي الوقت خاتم حب وقلاده
وفي طيّت أوراقه إعاده لما جاني

للعشق أسياده وللصبر رواده
وانا مسيكين وش للعشق وداني

وش ضرني لو شربت انا العمر ساده
وإن حدّني شوق له هزيت فنجاني

© 2024 - موقع الشعر