هرج القفى

وجدي على اللي بالعطا مدّ يمناه
للي تحنّت لحيته بالرديّة

لا جابته عازه يزيّن بممشاه
واذا قضى الحاجه جفل عن خويّه

حنّا بزمن من يسبق الجود مسعاه
قالو سبق بالخير لجل العطيّه

يارث كرم يمناه من رجل ربّاه
ولا بغى بعد العطايا هديّه

يافلان ما بدّى الرجل غير طرياه
اللي جفى فعل الردى والدنيّه

واللي تسابق جود فعله نواياه
حتى النوايا بالشّهامه ذريّه

واللي سقى ضيفه بصافي سقاياه
من دلةٍ فاحت علومٍ نديّه

وان بان له من صاحبه عيب غطّاه
ما عاش من ساق لرفيقه اذيّه

واللي بضيق الحال ياخوي تلقاه
لامن رماك الحظّ بارضٍ خليّه

يا صاحبٍ مقدر على وقف مجراه
وسيل طعنات القفى فوق ميّه

اللي سكن خاطي حكاويه بشفاه
لا غظّ عنّي قال فيّ البليّه

ما كلّ من يرمي هدف طاب مرماه
امّا تصيبه ولاّ تشتل شويّه