سكنتك جار

لبستك ثوب لكنك
كشفتي عورة اﻷسرار

اشوف الصدق بعيونك
لقيت الصدق ماله دار

سكنتك جار واثرنك
طعنتي في حقوق الجار

تعلمنا بعد مده
تعلمنا وصرنا احرار

قرينا قصة الماضي
وألفّنا عليها اشعار

عرفنا الورد يجرحنا
ولونه يلفت اﻷنظار

عرفنا الكي يحرقنا
ولاكن يرفع اﻷضرار

صحيح الثلج بايدينك
وتورد في حشاي النار

قريتي كل بيتٍ صح ؟
وفكرك صار به محتار؟؟

دعابه يا بعد عيني
يا جارٍ ما بعد بي جار

تعالي وانثري كلّك
وفكي للهوى اﻷزرار

ابي استنشقك لهفه
ابي شوقي يجي منهار

ترى له مده يتوعّد
ينكّد عيشتي بإصرار

امانه انحري حلمه
ونروي بدمه اﻷشجار

ونقطف ثمرها الناضج
ونعصر من حلاها انهار

لعل الليل يبطي شوي
وطير الصبح لا ما طار

ولاكن غرد وصحصح
فضحنا وبين اللي صار