هرج القفى

ياشينها لاصرت للناس محتاج
وأقرب قريب ٍ مايفل الحجاجي

يلحقك هرج ٍ ماتحصل له علاج
يحرق عزيز النفس حرق البواجي

ياللي تحب الهرج لاجاك منعاج
وتسب خلق الله وبيتك زجاجي

اتشوف بحر الطيب قدمك ولاهاج
حاول تجنب دام تلقى خراجي

هذي نصيحه قبل لاطيش الامواج
معها بروق أتلوح ومعها عجاجي

هرج القفى ماهو مراجل ومنهاج
ماحطه الطيب ولافيه داجي

والمرجله ماهي على كرسي وتاج
أقولها ياهل الوفا من مزاجي

ياشينها لاصرت للناس محتاج
تترك قراح الماء وتشرب هماجي