محمد وريم

شاعر يرحب والقوافي معازيم
يامرحبا وهلن هلا بالجزاله

ترحيبة ٍ فيها طناخة مخاريم
وعداد ماهل المطر من خياله

وعداد مانسمع يتاما مظاليم
من بعدها الشاعر يقدم سؤاله

إلى متى نضحك على محمد وريم
أطفال وسط الدار منهم عياله؟؟

يعني على ماقيل مابه تعاليم
العلم واضح لايطول جداله

هذي نهاية حبنا يالمفاهيم
نرمي نفوس ٍ عند باب البقاله

واللي يذوق الهم والغبن والضيم
ورع ٍ صغير ماعرف من خواله

من دق باب الناس يبشر بتكريم
دنس حلال ٍ دنسوله حلاله

الدين واضح به حلال ٍ وتحريم
واللي ترك شي ٍ يعوض بداله

أنا المعزب والقوافي تقاسيم
أرسالتها لللاش يبرك جماله