أكبر شرف نلته وأن في حياتي

خوفك عليه من صواديف الايام
أكبر شرف نلته وأنا في حياتي

بالله ياقلبي عشاني لا تنضام
تكفى دخيلك يالغلاء لا تحاتي

إي والله أني اعشقك عشق بهيام
مجنون ليلى مايسوي سواتي

دمعات عيني تنتثر فوق الكمام
ياليتها تكتب وتقرى كالاتي

أنا اللي حبك حب صادق ومقدام
مقدام فارس ماحسب للمماتي

وسط المعارك يرتدي درع ووسام
وسط المعارك يعتزي يامناتي

وليا عتزابك يظهر الماء بالاقدام
ماعاد يحسب فقر ولا غناتي

أنا دموع العين من قلب منضام
أنا دموع العين وهاذي عصاتي

ياهاجسي قلي عسى باقي أنغام
ودي اوضح للحبيب صفاتي

ودي اوضح شي له عشرة أعوام
يجيب له علم ٍ موثق وياتي

والعلم لا جابه مثل صيد غشام
لاهده القناص وقف وباتي

هذا هو أحساسي ليا جيت أبا نام
يحكي لي عنك قبل فوت الفواتي

حبك بقلبي باقي ٍ طول الايام
مايموت لين الناس تسمع وفاتي