سلايل هبس / قبيلة بني خالد - احمد الخالدي

شقّ السّما يا هاجس الرّطبي و سيد
عادات قومك ما تمدّ الا الجّزيله

هات القوافي و انظم احساسك قصيد
في ماقف (ن) ما كلّ شاعر يرتكيله

سوق الفرايد و الفريده للفريد
لا صارت الدّعوة على شان القبيله

اللابه اللي مجدها مجد و تليد
لليوم هذا ما تروم الا الطّويله

لا من فزعنا فزعة (ن) تثني الحديد
ولا نموت ولا رضينا بالفشيله

قوموا معي يا لابتي حان الوعيد
إن ما بركنا للحمل منهو يشيله؟

هقوات فيصل ما تخيب ولا نحيد
الخالدي روحه يقدمّها دخيله

للمرجله و الطيب ما شحّ الرّصيد
ربعي سلايل هبس سقم المستحيله

أحفاد خالد بن مغيره ابن الوليد
بيدين جدّي لانت اسيوف (ن) صقيله

قوموا معي نار (ن) يذوب لها الجليد
لا هان رجّال (ن) سعى لاجل الفضيله

ينخاكم اللي هقوته فيكم عضيد
ولا نموت ولا رضينا بالفشيله

© 2023 - موقع الشعر