حفل تكريم خريجي قبيلة بني خالد

لـ ، ، بواسطة سعود السويداء، في غير مُحدد

المنسابة: الذيب المشارك في مسابقة شاعر المليون وأصدر الديوان الصوتي الأول بأسم الذيب متميز بشعرة وتواجدة الشاعر بدر بن عبدالله الصبيحي الخالدي كان له حضور مميز بحفل تكريم خريجي قبيلة بني خالد

فظَّل القيادات الدهات المساليط
 عشنا رغد مالاوعتنا الكلايف
 من كف أبو متعب رضينا مباسيط
 دسَّيمة الشرَّب وسَّمل خفايف
 ماكنه الا أبره وحنا له الخيط
 والمنفتق ترجع فتوقه ولايف
 ومن كف سلطان نتقَّدى شماحيط
 والكايده تركع قدم وجه نايف
 في ظلهم على الرهاوه قلاليط
 من موطن(ن) ماتعتليه الضفايف
 الموطن اللي من ثراه الشماشيط
 تبني صروح(ن) في سفوح النوايف
 وانا ضمن عييياش دار المغابيط
 شاعر ولاتحسب علي القطايف
 ويندار راسي للخوالد ولا أحيط
 لين أحدى النَّدر عليهم ردايف
 اللي تنزَّه عن طخوم الشخاميط
 وسمانها غبطه لراع الخفايف
 يأهل العيون اللي علينا ملاقيط
 خلو أذانيكم نقايل صحايف
 واللي مايرضا يضرب براسه الحيط
 ماكَّلف المحسود يرض الضعايف
 حنا الخوالد كاسبين الأشاويط
 اليا وردنا ماعرفنا النكايف
 الَّلاه جملنا بعيون القواشيط
 والله مقوينا على كل لايف
 اليا عطينا تستريح المسافيط
 لو أن أيادينا سنين(ن) عجايف
 واليا زهمنا اللي دموعه مخابيط
 يحوفه من الشر تسعين حايف
 وحجانه من الضيق قرن ومخاليط
 وراسه يلاوح كثر عظ الشفايف
 والله لناقف له ونحماه ونشيط
 ونقول له لاتقتفيك الحسايف
 أرتح وخل الضيق في جعبة مقيط
 وأبشر برد الشان عقب العسايف
 صملاتنا لا جات ماجت تناقيط
 نحذو بسعدون العريعر ونايف
 حرار نسمو عن عشاش الشبابيط
 وكبار في نفس متوحححي وشايف
 وكل القبايل فاللوازم قواشيط
 وبيوتهم تبنى بروس النوايف
 والله يديم الجمع ويمتن الخيط
 ولاهنت ياعبدالعزيز أبن نايف.

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر