ربعي بني وايل .. ( قبيلة عنزه ) - ماجد الحجري

حنى بني وايل إذا جيت الانساب
تلقى لنا تاريخ ما صار قده

وحنى بني وايل لنا اسم ما غاب
من جدنا الواقف ل آدم نعده

ومن فضل ربي بالفعل نرهب ارهاب
مثل (البحر) لا هاج موجه ومده

ما يتعبه كثر التموج ولا شاب
وما بخرته الشمس غصبن ترده

إلين صرنا بالأراضي كما الناب
في فك سبعن تعجز فهود صده

لكن جعلنا الله للعدل أطناب
فاذا تراخا الحق نرجع نشده

وما فيه جيلن مرّنَا فيه غلاب
يوصل لنا إلا و مجده نهده

ونعلمه كيف الرجاجيل ترتاب
ثم نقصر حدوده على ما نحده

ويحسب لنا في كل ميقافن حساب
و كلن يشوف اللي إلينا يمده

نطيب للصاحب دبالات ما طاب
ولا العدو نلعن ابو جد جده

واللي يعادينا له الذل صباب
تاطا بطون اقدامنا فوق خده

والموقف اللي منْه راس الرجل شاب
اصغر ولد منا اذا حل سده

اقولها وياما قطفنا من ارقاب
جهال تاريخ السنين المصده

حنى بنا اول ملك بين الاعراب
وحنى مواريث الملوك الأشده

وحنى عدو من كان للشر طلاب
وحنى الجيوش اللي لهم مستعده

وحنى الكرم وقت الكرم عنه إضراب
في وقت قل الزاد يشكي معده

ما ننطر الضيفان تاقف على الباب
منّا لهم مرسول للزاد يندَّه

ربعي وانا من فعلهم كلّي إعجاب
ربعي و راسي لا فخر مين قده

© 2024 - موقع الشعر