?المشاعر فاقده شيخة شمل

ليلة البارح ، تلحّفت الكأبه
‎‏من صدفني قال : حَطَوله عَمل

ماصفا لي ، غير جوي فالكتابه ✍?
‎‏وجيت ادوّر ٫ في مرابعكم امل

‏كني (المسحور ) في زهرت شبابه
‎‏وشال سحره فالضلوع ولاحتمل

‏او مثل منهو ٫غدى فيها نهابه
‎‏بعد صَاحب له . من العالم هَمل

‏( ضيّعوه وهمّلوه ) وقام جابه
‎‏ صاحبن لا ثقلت الحمله .. جمل

‏ما بقا له مخلصن ٫بين القرابه
‎غير كذاك اللي بعزمه يحتمل

‏استحلّت ضيقة الصدر ،الرحابه
‎‏وصدري المملي ، من همومه ثمل

‏( عقبكم ) همي تجاوز بي نصابه
‎‏والمشاعر ٫فاقده شيخة شمل

‏جيت لك مشتاق يا روح الصبابه
‎‏جيت اكمّل ، حلمي اللي ماكتمل

‏ليت لي حيله . على بيتك وبابه
‎‏وَاطرقه طرق الغثيث . اليا صمل

‏⁧‫#فهد_المنصوري‬⁩
‏_______________