في الشيخ بدر بن قاعد بن عميره شيخ شمل قبيلة المغايره - شباب بن فايح العضياني

سر ياقلم واكتب بصاف القراطيس
واحرص على المعنى ترى الشعر حساس

كرس جهودك في معانيه تكريس
من شاعرٍ ماهوب للحكي سواس

عنده لجزلات المعاني مراميس
يبني بيوت الشعر بنيً على ساس

ماني بهذاراً علومه هراميس
وده يجيد الشعر والفكر منداس

انا ليا دقت علي الهواجيس
اشرب وحيضان المفاليس يباس

من منهلن يفوق بحر الغواطيس
دونه قليل المعرفه طاون الياس

في حفلكم ياكاسبين النواميس
قافً يعبر عن شعوري ولاحساس

ياهل الكرم والجود والعرف القيس
نطاحة الواجب عديمين الاجناس

ذباحة الحايل بوقت الحماريس
يوم البخيل عن المواجيب نعاس

ريف الهشالا محرقين المحاميس
وتاريخكم وقتً مضى يرفع الراس

فوق المهار معالكات المضاريس
بشلفً مضاربهن يجذن الأنفاس

الكم على جمع الأعادي مراويس
بقيادة اللي يلبس الدرع والطاس

شيخ ليا جات السرايا كراديس
فرز الوغى مسق العدى علقم الكاس

قشعان اخو نوره محذ المفاليس
اللي لدقلات الطوابير رواس

في هيبته ترعى طوال النسانيس
ليا طقها من يمة الخوف نسناس

حامن جوانبها بضرب العبابيس
وربع يبارونه على قب الأفراس

ويسري ليا نامت عيون الهداريس
بنمراً لها سبر ودليله وحراس

يصفق بها قطعان بدوً مشاميس
ترعى طرف خدً على درب عساس

فالعرفجيه يوم ضرب المقابيس
تاريخهم يقراه ناسً بعد ناس

وجاب القطيع الصادره والمساديس
وجاب العبيد وصوغ زينات الالباس

راحت غنايم مبعدين المناطيس
اولاد روق مطوعة روس الاشراس

وبعده شيوخً يطلقون المحابيس
متوارثين المجد من طيب الساس

وبيت الشرف يبقى ويزداد تأسيس
والنار يوقدها فتيله ومقباس

قلطلها حرً براسه نعاطيس
قدحطله قاعدعلى الكورمجلاس

بدرالسعديجلى ظلام الغطاليس
صفاق بواج الغواريق غطاس

نجل الشيوخ مطرحين الملابيس
عساه يسلم مايجي عمره الباس

بحرالندى ماهوب رس المفاليس
اللي يعضون الشفايابالاضراس

وصلاة ربي عدرمل الطعاميس
على النبي ماخط حبر ٍ بقرطاس

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر