ربيع الثاني

لـ محمد جفال، ، في غير مصنف، 251، آخر تحديث

ربيع الثاني - محمد جفال

يا ربيع الثاني اخلفت ميعاد الربيع
الشهور الموسمية عليك اعتابها

ما هقينا ضحكة العمر من يدّك تضيع
ليلةالبارح يا ليتك حسبت حسابها

وين أودي ضيقة البال يالخط السريع 
واقفةنفسي على حيلها وعصابها

ما دريت أن الليالي لها وجه وسيع
لين لبست للاجاويد سود ثيابها

للحزن بصدورنا سور يا سور البقيع
لايغرك ضحك الأصحاب عندأصحابها

أنت تدفنها وحنا ترا ما نستطيع
ليتنا نقدر عليها نهيل ترابها

من يلوم دموع شالح على اخوه الفديع
ينتظر لين المواجع يعرف أسبابها !!

© 2024 - موقع الشعر