ابتسم للحب

لـ محمد جفال، ، في الغزل والوصف، 266، آخر تحديث

ابتسم للحب - محمد جفال

ابتسم للحب خل العواذل يسكتون
يوم جت لك بالمحبه على ماتشتهي

وخل عينك تستبيح الحشا عينك تمون
مامعه قلبي على عينك امر ولانهي

بس انا شايفك سارح بنظرات العيون
ضايقٍ بالك من الوقت مدري ملتهي

كان قصدك حمل الأيام انا كلي متون
يا عيونه لا بغى شي نادي واندهي

لاتضيق من الليالي لياصعبت تهون
كل شي لوصل لاكتماله ينتهي !

وكان قصدك بالمحبه لاتاخذك الظنون
والله ان القلب لاهو نساك ولاسهي

فيك عذال الهوى صارعكس الي يبون
وأبحرت سفن المحبه على ماتشتهي

وان حكوا لك غيرهذا تراهم يكذبون
صورتك بالقلب ماغير طاريها وهي

© 2023 - موقع الشعر