ياللي شكيت ظروف

ياللي شكيت ظروف وقتك لابو سيف
هزّيت بابيات القصيده كياني

شاعر حروفك من بديع التواصيف
لها على مرسى الجزاله مواني

تعطي لمفهوم المعاناه تعريف
في محتوى مضمون عذب المعاني

وانا بليا بس ذكرى الصواديف
دايم على الرجم الطويل اتحدَاني

يابو مشاري كل ما تذكره شيف
عشته على الواقع بواقع بزماني

وقتك يكتّف طيب الساس تكتيف
ما حقق لغير العفون الاماني

يا حيف يالمطنوخ شرواك يا حيف
وده بشي ويمنعه شي ثاني

والخالق اللي يصرف شتاه بالصيف
لاشك غيره كل مخلوق فاني

والادمي دنياه لو هي على الكيف
ما حاكمت ذيب الفرات الحصاني