شكيت فرقا الوليف ولوعة الفرقا

شكيت فرقا الوليف ولوعة الفرقا
وعن عيني اللي غدت مابين دمع وسهر

دايم احس الخفوق بداخله حرقا
واصبر واكابر وانا ماعاد فيني صبر

من ضيقتي قمت الاحي نايح الورقا
ولازلت الاحي وعديت السنه من شهر

كل السبايب فراق الجادل الطرقا
اللي نوة للفراق وجابت اقوى عذر

يوم العيون اصبحت من دمعها غرقا
والصوت مع شهقة العبرات كالمحتضر

ومنها على الخد طاحت دمعةٍ زرقا
واقفت وكان العذر معروف حكم القدر

والعبره اللي تحير وتخلف الشرقا
ترقا لحلقي وترجع داخلي تنحشر

كم عاشقن عبرته من ضيقته ترقا
وكم عاشقن ضيقته تبقى معاه العمر

بعيش طول العمر مع لوعة الفرقا
والظاهر اني اباخذها معاي القبر