أنا ليامني بغيت امدح انسان
ماقول كلمة مدح لين اتثبّت
وان كان ماحصّلت للقول برهان
كفّيت رجلٍ ف اول الدرب طبّت
الطيب ماهو ملك لفلان وفلان
ولاهو لناسٍ بالشدايد تخبّت
مايستطيعه واحدٍ فيه نقصان
اللي هبوبه كل ما هب هبّت
يقدر عليه اللي له العز عنوان
حرٍ على النوماس نفسه تربّت
وابو سعد لاصار للطيب ميدان
ماينثني لو دونه النار شبّت
حبيت اوصّل له رساله ب قيفان
ناديت جزلات القوافي ولبّت
أخوي نعم الاخو في كل الاحيان
يمناه عن قوله بالافعال ذبّت
ماتنجرح شهادة اخوان لاخوان
في سلم ناسٍ للصحيح استحبّت
وان شفت مخلوقٍ من الحق زعلان
تب الردي ويدينه العوج تبّت
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.