ستار بكس

الأسف واحد لو الغلطه .. جنون
وعن غيابي جيت اقدم لك اسف

الصدف ماهي على دربي تمون
جابني شوقي .. ماجابتني صدف

اسْكرك كل يوم !! بسّ ابلا مجون
اي نعم خمرٍ ، ولكن في شرف

سيّد الفتنه ، والاحساس الحنون
كنّك المخلوق من جود ، وسرف

والدليل انك .. الاثارة بالعيون
في جمالك كلّ عذرا .. تعترف

اخْضرارك شي يدعي للسكون
وسكّرك عن كل سكّر .. مختلف

العطر بنفاسك العذبه .. دخون
والسحر فيك ان وصفْنا ، منْوصف

انتي آخر بنت بالعالم .. تخون
وانتي اعْظم بنت باوصاف ، وترف

من لجى لك ضايق الصدْر امغبون
راح منّك ممتلي شوق ، وشغف !!

مبْسمك لو هو ضحيّه .. كل زبون
من هوى طعمه لغيرك .. منْجرف !

الشرف : ( صعب المنال اْلمن يكون )
واختلف وياك مفهوم .. الشرف !