شفق

لـ فايز الزعل، ، في غير مُحدد

شفق - فايز الزعل

من ضما ها لليل تنبت جروحي عالورق
لا غدت أرض المواجع غصون ٍ.. مورقه
اعذريني يالقوافي إذا صمتي نطق
كم تعب السان حرفي وضاق بخندقه
هذا وأنا والحرف من كثر اهاتي غرق
والحبر من كثر ما كتب غرقت بأزرقه
كيف اطولك يالاماني وحظي ماصدق
هذي يديني وتقصر عن اشيا معلقه
كم توغل بالحنايا هموم وكم ارق
وكم غدى هالحزن موحش وثارت بندقه
كم تفرعن هالمدى ظلم لا والله حرق
كل طموحٍ جيت أهزه تساقط مشرقه
من ورا هالبال أبني مدينه بالشفق
لا غدى ها لواقع اسخف جهاته منطقه
المتاعب والمسا حفنة أوجاع وقلق
وكل جرحٍ بالحنايا انا جيبت افتقه
من سنينٍ بح صوتي ولا ظنه لحق
غير اسامي أوطيوفٍ رياحٍ تصفقه
كم تطول الرحلة فينا وحنا للغرق
والملامح كم تشابه يدين موثقه
© 2024 - موقع الشعر