حار القلم

البارحه ليلي دهر يوم اسميه
ياكثر ساعته بدت لي طويله

عايشتها بالكاد حتى تواليه
وشعرت تني بعالماً مانتمي له

قلبي جريحاً زايداتاً بلاويه
وحالي براها الوجدوصارت عليله

ياكبر هم القلب..بانت خوافيه
معذور لو بيّح همومه ثقيله

واللي سلب عقلي ولا القلب عازيه
هلت عليه العين دموعاً هميله

ابعد..وخلى القلب ناراً وتكويه
اصبح بعيداً بين يوماً وليله

ياليتني طيراً وارفرف حواليه
لحظه ولو كانت ثواني قليله

ومغرداً باسمه وباسمه اناديه
واقول يامرحب براعي الجديله

وسار القلم يكتب من الشعر صافيه
قافاً لعل القلب سشفي غليله

الشعر عالم وانا هاوي معانيه
والمعذره كان المعاني هزيله

كتبت عالقرطاس شعراً وباديه
تعبير شكوى لمن خيا لي يخيله

حار القلم يطلب من ايديني اعفيه
ترابط حروفه غدت مستحيله

يومن عرف من كان بالقاف اناجيه
يقول دور على غيري وسيله

من تقصده بالقاف واكيد تعنيه
ترى بدنيانا قليلاً مثيله

بدنيا الوفاء والصدق ماحداً يجاريه
حافظ ودادك دون ماتشتكي له

وجمال دنيا الكون متجمعاً فيه
وانا حريصاً ماابتغي لك فشيله

حبه نغم سبق سمعتك تغنيه
اجاوبك:وانا اعتبرني وكيله

فكرت وقلت بخاطري وش يدريه
السان حاله:بالغضي هي خصيله

ترجم اعماقي وكل ماالنفس تبغيه
عز الله ان احساس قلبي دليله

ومع كل هذا قاف للشعر ناويه
هدية(ن)لاجل العيون الجميله

عواد الهران