حذف الرساله

راسلت من وظيفته بالرقابه
بالمنتدى له راي والعقل موزون

رسالتي عالخاص ومابه غرابه
ابشكره واقوله منك ممنون

برسالتي سالت هل من قرابه
مابين موقعنا وموقع له فنون

سؤال عادي ولا حنا بغابه
ولا سمانا غيمها شك وظنون

وجاني تدخل كن سماً بنابه
بقولته خالفت منهج وقانون

افادني باسلوب كله صلابه
حذف الرساله تم شكلاً ومضمون

وقوله لنا استقلال بكامل نصابه
لاتقارنه بالغير بقول مقرون

ياحذف والله واهياتاً اسبابه
كني نبشت جروح عن سر مدفون

صدمه وانا شبهتها بالحرابه
استفسار لاجله صرت مخطي ومديون

سالت عقلي وقال شوري صوابه
اكفخ بجنحانك ولا تكون مجنون

يكفيك تنبيهاً بطرق الدعابه
مزحه برزحه وابتسامات وعيون

حرفك تهمش واختفى مع سرابه
ولا استفاد متابعيناً ويقرون

تقول مجروحاً ولا من طبابه
ولا مسعفاً لو قلت ياناس تكفون

اصبحت مقيد في نصوص الكتابه
وحريتك صارت بلا طعم او لون

قل الوداع لو ان مامن اجابه
وسلام ياحرفاً غدا غير مصيون

وعذر وسموحه قولها في رحابه
لردود من هم للاجابات يعطون

كان الخطا يومنك دقيت بابه
يومن دعوك ولا تمهلت عالهون

احذف الاسم ثم سكر حسابه
واعلن رحيلك ولا تقول وشلون؟

وحرفك تاكد لايطول غيابه
ياكثرها مواقعاً فوق مليون

عواد الهران