الرساله

لـ رشيد الدهام، ، في غير مُحدد

الرساله - رشيد الدهام

يابعد كل الرسايل هالرساله
توها ما كملت عمر الطفوله

طفلة فيها العطر ياطول باله
وده يسولف غرام وهي خجوله

مثل طبع اللي كتبها من دلاله
في مسافات الزمن واربع فصوله

مترف لاجيت اشوفه شاف حاله
ماتهيا منه لو نظره عجوله

صار عندي راس مال وراس ماله
ضحكة معها عقل بس مهبوله

لاضحك كنه مسوي بي جماله
كني اقطف ورده وعقده ولوله

وارسم لزوله شكل كني ظلاله
وارفع لسمعي يدي كني بطوله

كلما حرمته القاني حلاله
وكلما عنه ابتعد قربت انوله

كنت افكر مره القى لي بداله
دام طبعه صعب والأصعب وصوله

قلت:يا الله نفترق كل وفاله
قال:ياالله!قلت:لحظه من يقوله

قلبي احلامه معه حسبة عياله
وانت حلم توك بعمر الطفوله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر