حرب الهنود

جاني خر عنك و انا بيه مقصود
قالوه من قلبك اعطاهم اسراره

تقول اني بعالمك صرت مصيود
وانك اسرت القلب وتبغى دماره

و رماني في زمن كان محدود
مدحت قوسك جاوبك في جداره

مثل اقواس اللي لهم فعل مشهود
ريش الطيور بروسهم كالسواره

واصبحت اسيرك تحت رحمتك مقيود
ومراقبه شدتها بالخفا ره

وكلام ما بغى ابدية بالقلب مرصود
حيث ان وصفه يعتبر لي اثاره

مديحك لنفسك ترى به منقود
عزيل من مثلك حسبها شطاره

ماظن بيني و بينك عداوة جدود
والا غدي عقلك تناقص ياره

الحب ماهو بقوة سلاح و جنود
ولا خطط تسبق هجوم(ن) وغاره

كنك تعايش حرب وابطالها هنود
بامريكا مع ناقلين الحضاره

اقواس ضد مسلحين(ن) ببارود
مستعمرين و باغيين التجاره

الفرق واضح لو بذل كل مجهود
بالتقنيه ضاع السهم واعتباره

اقواسهم ما عاد بيها ترى فود
واسهامهم ما وصلتهم وزاره

واليوم عيشتهم مجميع وحشود
مساكن(ن) شروطه باستماره

تصنيفهم في خانه الحكم مبعود
اسير و هو ساكن(ن) في دياره

لتاريخهم خيالك اظن مشدود
صوره لاجلك و هذا اختصاره

وارجع لقصة حب اوصافها جحود
وصفتني : لاجلك اعيش المراره

حبك سراب(ن) والامل منه مفقود
ماانكر بيوم(ن) كنت أنا بانتظاره

وهمتني في حب ماكان موجود
ولا لقينا منه موجز اخباره

ااظن حب (ن) بيننا كان مولود
حيثة توفى قبل نعرف قراره

واخلفت و عدك يوم انا منك موعو د
ولا اعتذرت بكلمة (ن) او عباره

هذا الذي اسمه تكبر مع صدود
طريقتك و اتقنتها في مهاره

ومن ينتظر حظه معك ذاك مقرود
بدايته قبل النهايه خساره

الصدق والاخلاص مطلب ومنشود
درب الوفاء بالحب يثبت شعاره

دنيا المحبه كلها سهود ومهو د
لابه تطبع ولا طرق استعاره

الحب بسمه في سماء مالها حدود
مشاعر(ن) واحاس تنبض حراره

شط البحر..ضوء القمر..كلها شهود
همس القلو.(( الحب هذا مداره ))

عواد الهران