اواه من قلباً سمعته شكى لي
ولسان حاله كن يقول وشلون؟
وشلون خلي عقب مهو موالي
اصبح غريب وصرت انا معه مطعون
لاموضحاً وش فيه.. ولا لي قالي
خلى حياتي كلها شك وظنون
ولني سالته ابتدى بالجدالا لونلي
حاله غدت لاطعم فيها ولا لون
لاهو تغلي ولا حتى دلالي
ولا هو دلع يومن وصفناه مزيون
غرور يومن قلت كله جمالي
لبس ثياب اللي للاعذار يعطون
يمكن اظنه غيرته الليالي
واصبح من اللي للمشاعر يبيعون
افكار تلعب بي وشيئاً بدالي
اظن صداقاً لمنهم يقولون
يامن يعلمني جواب لسؤالي
وش خاتمة ماقلت ياللي تعرفون؟
جاوبت قلباً بين الاضلاع غالي
شكى وسمعته: قال ياناس تكفون
اقول له خلك وصاله محالي
ماظن توصيفه من اللي يحبون
يشوف نفسه ابو زيد الهلالي
والا ابو ليلى على الثا ر مفتون
والا من اصحاب الرتب والمعالي
من قالوا انهم فوق مبدا وقانون
والا لعوباً شايلاً قلب خالي
..غيره ترى موجود بالكون مليون
متكبراً والا بدا به هبالي
اكيد انه بالتواصيف مجنون
انسى هواه من اوله ثم تالي
وهذا الذي بالربح وكاد مظمون..
عواد الهران
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.