يا طفلة ريف تحمل في يديها وردها المقطوف
على قيد إنتظار العاشقين .. الورد وش دوره ؟
قلوب العآشقين البائسه لو يعتريها خوف
تقويها الطيوف العابرة و الوصل و جسوره
لمحتك بين فجر و بين ليل البارح المأسوف
و على نظرة عيوني ما قدرت أوقّف الصوره
صباحً تشهدين إشراقته : خارج عن المألوف
يجي و يطلع إحساس الغزل و الشعر عن طوره
و لو يمزج هواجيس القصيد .. إحساسي المعروف
إذا ما تظهرين ب صدره / الله يلعن حضوره
تعالي و إسمعي كل الكلام اللي بدون حروف
على مرأى السكوت اللي كسر كل الحكي جوره
خذي من غيهباني شوفي المُستأسر المخطوف
و تبني عمري اللي في غياباتك فقدْ نوره
أنا حزني تنامآ في ملامح وجهي المكشوف
سترت الجوف لكن دمعتي ماهي بمستوره
يا نسناسٍ طرق شباكي ب هيئة لحن معزوف
ترى آنغامك حزييينه لا تثير الصدر وشعوره
انا ماني بناقص حزن فارق شرفة الملهوف
و خل اللي وراك من الرياح تعود / مشكوره

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين