ريف الجوى

خارج النص:
"أنا بنت العرب ماترتخص للدون فيني نفسْ

غلا لشحوح وآخذ من كرامتهم كراماتي"
القصيدة:

تِسُولِفْ فيني آهاتي وتَطْري لِي حَكايا أمسْ
وتِرضَخ للمِدى روحي معْ إني تايهة ْ ذاتي

تذكّرني بِغالي عايشن فيني جِهار وْهَمسْ
وتَحذي بي حِذا عَهدن غِدا أكْبر طُموحاتي

أنا ما جيت عَ الدّنيا عشان آعيش فيها بسْ
ولكنْ لَجْل أرَوّي باقِي ِ العالمْ مِن أبياتي

لَجِلْ حلم الطفولة لي نِما وردة طموحْ وْغَرس
ْوابَسْعي لَه مَدام الله يوفّق فيه خَطواتي

جروحي ما تِحمّلني بِياس وْلا مَذلة نَفسْ
ودَامي واثقة ..ماشيْ يِغيّر لي قَناعاتي

أنا يابوي صوتك كامِننْ فيني وَصايا خَمسْ
صَلاة ْوْعِلم وَأخلاق وْمَعزّة نفْسنْ وْذاتِ

وصَبرنْ عَ البَعاد أكبْر وُهُو سِيدِ الوِصايا الْخَمسْ
لأنهْ سَاس فِي باقِي الصّفات وْأوّل أبيَاتِ

أنا يابوي ريمنْ فِ الفَلا حِرّنْ طِليقْ أمْيَسْ
عِيَا قَنّيص يَاسِرني...فَلا قَيّل وَلا بََاتي

دُروبي كِلّها شُوكْ وْمَتاهاتْ وْشَتاتْ ود َسْ
أطيحْ وْلازم أتعَلم مِن ِ العبرة بِعَثْراتي

ودَام إنّ الخَطا منْقودْ..عينَهْ واضِحة ْ كالشمسْ
أنا ما أظِن لَهْ داعي أَرَاجِع بَهْ حِسَاباتي

وأنا آمِن بِأنّي نُورْ مِحتارْ فْ لِيالي غِلْسْ
تِشّد عْزومَهْ انْوارنْ حَذاهْ تْشِقّ ظِلماتِ

ويِبقى مِن ْصَدى روحي بِرُوحي و ِفْ حَشايا حِسْ
يذكّرْني بِأغْلى مِنْ سَكَنْ مَغزا حِكاياتي

(رقية محمد الشحي)