يعجبني اللي فيه عرف وفهامه

يعجبني اللي فيه عرف وفهامه
رجلٍ نزيه ومن هل الخير خيّر

المحترم يفرض عليك احترامه
يا صار نيّر عقل و الوجه نيّر

وكلن مواصيله تقيّم مقامه
بين المنيفه والطمان متخيّر

يلقى كرامه من يدوّر كرامه
ياهاب ميدان الاصايل خضيّر

حي أبلجن ياجاك مثل الغمامه
في خايعٍ سالت عليه وتغيّر

حلو النبا يعجبْك منطق كلامه
ودّك اليا شبّيت دايم يسيّر

لايابعد مسيار راع الملامه
ما اعفن منْه وبكل طيّب معيّر

اللي اليا هانه عدوّه وضامه
طويلٍ لسانه ذراعه قصيّر

وعيوب خلق الله مصب اهتمامه
شفاويٍ في كل علم متحيّر

تجرف سيوله كل جرف وعدامه
ما يفهم ومنْه الفهيم متذيّر

عند العرب مكروه حتى سلامه
بَيَّن كبر سنّه وعقله صغيّر