يعجبني اللي يموت - مليح بن سامر

يعجبني اللي يموت ورافع رأسه
ولا حياة تنزل رأس صاحبها

النفس لن كان ماهي دوم حساسة
تجبرك تصبر عليها لوتحسبها

ارفع مقامك ترئ الإقدام دواسة
من طاح قدامها لازم يداسبها

الرجل لوكان جيبه يشكي إفلاسه
يرفع مقامه ويبحث عن مكاسبها

البنك فيه الذهب وتموت حراسه
جوعا وهي تمسك الربطة وتحسبها

اللي وراءا لناس مثل السم فالكاسه
وكأسه بها سم تأخذ روح شاربها

بعض العرب ودك انك تكتم أنفاسه
يذل نفسه وكنه مايحسبها

مثل الذي عقب سوره تغسل الطاسه
يقطعك ياعيشتن هذي سبابها

وقتن عليه تغير والسبب ناسه
قامت سباع الخلا تتبع ثعالبها

الرجل لوكان بين الشوك مجلاسه
اخير من فرشة يجلس بجانبها

إن كان ماتحتوي قدره ونوماسه
نجد العزيزة وسيعاتن مناكبها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر