مسرى الذيب. لـ مليح بن سامر

مسرى الذيب - مليح بن سامر

البارحه يوم ان كل ن نام بفراش الدفا
وليل الشتا يرسل ذعاذيع الهبوب البارده

سرابي الهاجوس مسرى الذيب في سدالخفا
وكل الهجوس الصادره قامت تجيني وارده

وعدت لشريط الذكريات وصافي العين انكفا
واصبحت اجمع مافقدته والهجوس الشارده

واخذت مفتاح الفرج يوم القمر نوره طفا
واطوي فيافي نجدواحسب طولهاباليارده

وابحث عن اللي كان معي العام واليوم اختفا
والله ماجاه الردى مني ولاني طارده

وقفابعد ماشاف خصمه يوم في داره لفا
وافرد وخلاني واناوالله ماني فارده

والله مايرجع قوي الباس عنوان الوفا
ابعدعلي امن السما ةانجومه المتطارده

ابيه يصفيلي لكنه جاه ضده ماصفا
وارجع المفتاح الفرج وهجوسه المتوارده

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.