يابرق ياللي رفيفك بوح وهروج
بأطراف غيمن سرى به طول ليله
نوضك يشق الظلام ويطوي فجوج
ويبل كبد السنين اللي محيله
عالي ولك في سماك احلام وبروج
غالي ولك فالعيون اكبر قبيلة
ساري وكنك من الايام مزعوج
يشكيلك الليل هم وتشتكيله
بوحك احسه بقلبن من ورى العوج
ومدله كل شوفي واخيله
لقيت ضحكي ودمعي فيك ممزوج
وخايلت فيك الدروب المستحيلة
البارحة معك قلبي كنه الموج
يصفق حنايا الضلوع اللي تشيله
نقضت جرح الزمان وحب عمهوج
وبيحت سدي وانا راعي طويلة
مالي على اللي مضى غايات وسروج
انكفت يوم انكف اللي غاب خيله
من لاشلع ضرسه اللي صار ملجوج
مارتاح لو شد طول العمر حيله
يابرق لون الشفق بيٌن كما الروج
بشفاه بنتن مواريها جميلة
لو طول البوح ذوب بالحشى ثلوج
وحرك نسيم الهوى غصن الخميلة
تصبح على خير واللي ضاق مفروج
وخلك مع الغيم سبار ودليله.
فهد الخرجي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين