تصبح على خير يا احلا من القمره - احمد بن مطر الهاجري

تصبح على خير يا احلا من القمره
ياللي بشوفك اهيم بعالمن ثاني
 
حتى وصايف حلاتك وجنتك حمره
متغيرن لونها لاصرت خجلاني
 
ودايم شفاياك حمرن كنها جمره
سبحان ربي عطاها حلو الالواني
 
في عيني بشرتك لا بيضه ولا سمره
والشعر وان طال يضفي فوق الامتاني
 
ونفسي من اشواقها بالحيل منغمره
عليك ياللي ملكت بصدق وجداني
 
ماجيتك بسو والاخلاق مندمره
جيتك يوم الشوق عنّيته وعناني
 
عندي سؤالن بعد حبن فرض امره
لا قلتلك يالغلا انساني بتنساني ؟
© 2024 - موقع الشعر