لاتلومني ياهاجس الشعر لا عفت
بوح القصيد وعوّد الصمت غالي
الشعر قلتّ هيبته لين ماخفت
على الشعور اللي بصدري بقالي
والعمر طالت غربته لين ماشفت
أن الطموح أصعب من اللي مضالي
عدّت ثلاثيني ورى السبع وأشرفت
على الثمان وحالة الضيق حالي
حزين كن بحالتي للزمن ضفت
حزنٍ جديد ٍ ما أعرفت الليالي
ياصاحبي يكفي خطا منك لا أخلفت
وعد الهوى وأحرمت شوفك وصالي
يكفيك في قلبي كبرت وتشرفت
ولقيت نفسك شامخ ٍ في خيالي
ويكفيك بس اللي الحالك تعرفت
على ظروف ٍ ما أشغلت عنك بالي
ويكفي على بالي من الوجد لاطفت
سجيت معك وصرت ماني الحالي
ويكفي عطيتك صادق الحب وأسرفت
حتى شعرت أني من الحب خالي
لاشك رغم اللي حصل ماتحسفت
على عطاي وكلمتي راس مالي
غالي ويفداك التعب لو تكلفت
ويفداك دمع ٍ حار حيرة سؤالي
لا تلومني ياحادي الشوق لا أنكفت
قلب الجنوبي صار شوقه شمالي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين