هاجس الشعر

يا هاجس الشعر كم لي فاقدك كم لي؟
طوّل غيابك وطالت سيرة احزاني

طال انتظاري برجوى لمة الشملي
متى على الله بقربك تعزف الحاني؟

يا هاجس الشعر وقتي زاد لي حملي
غديت انا والهموم بفقدك اخواني!!

اللي يجي منفرد واللي يجي جملي
أحلامهم سهرةٍ مابين جدراني

متى تنادي واجيك اسوق لك زملي؟
أنهل قراحك واروّي كل عطشاني

متى تعانق بموجك يا بحر رملي؟
تنثر على ساحلي لولو ومرجاني

متى تْعطّر مساي وينتشي الثملي؟
يكفيك غربه وانا احسك بوجداني

كم لي وانا فاقدك يا هاجسي كم لي؟
وانا احسبك يا شعوري ما تعدّاني