زايف الوعي

لا اشتقت في نيران شوقي تحرَّقت
وإن جيت أهدي الشوق زاد احتراقي

بالشوق لا زادة معاناتي اشتقت
زود الشقى فيني يزيد اشتياقي

والمشكل لو الخمس بالخمس صفَّقت
من بعد طول الشوق حل الفراقي

بأقول : من غيبوبتي ليت ما فقت
ليت الوهم بالشوق ما زال باقي

يا ليت من حقيقته ما تحققت
يا ليتني بالشوق ما زلت شاقي

بانت وأنا ما بين كذَّبت صدَّقت !!
بأعيش مع ذاتي بحالة نفاقي

في واعي أفكاري لها ما تطرَّقت
يجري لها من زايف الوعي ساقي

بأوسع الخاطر بها كل ما ضقت
ولو مداها مع مدى الوقت ضاقي