خمس الدقايق - شائم الهمزاني

يا ساكنٍ ؛ قلبي..على كل ؛ الأحوال
خمس الدقايق ؛ غيْبتك كنها ؛ حَوْل

فيني على شوفك من الوجد ؛ ولوال
ما كن ؛ في دنياي غيرك ولا ؛ زول

ما حالتي ؛ يا عزوتي..بعدكم ؛ حال
عسى الرجاء في قاطع الوصل موصول

نلبس جدايدها عقب جرد الأسمال
يا حلو في صحراء الظمأ هل هملول

من مبسمٍ يبرق ويرعد بهمال
سحابةٍ يسيل سيله على طُوْل

باطيافها ؛ تزورني طيْبة ؛ الفال
وشراع مركبْ ساهر الليلْ مَفْلول

حل العْقود بدربها كل حلال
جتني بزاهي جيدها تنتثر لُول

بانت ؛ لعيني وانْتِشَت سيحةْ البال
والجو راق وراق للذوق ؛ معسول

أشوفني ؛ في معصم الشوق ؛ سلسال
فيني ؛ هَدَب حورية العين ؛ مذهول

منها ؛ وفيها بيْن نازل ؛ ورَحَّال
لا جيت أقوْل ؛ أقوْل قولي وش أقول؟

يميل فيني غصنها وين ما مال؟!
وش عاد عندي في سوى العمر مأمول؟!

قمرا ؛ ليالي ساريْ الليلْ ؛ موَّال
وإيَّا حمام الشوق جولٍ وراء ؛ جول

فيني ؛ تسيِّل واديٍ ما بعد ؛ سال
وأصبح وأنا في رحمة الله ؛ مشمول

© 2024 - موقع الشعر