في شهر خمسة عام خمس وثلاثين - عبدالله بن لافي

في شهر خمسة عام خمس وثلاثين
يوم الخميس الكون زغرد وغنا

جاني الخبر في حول وحدة ل ثنتين
وجاني معاه الانس منا ومنا

قلت اتصل ذلحين ما فيه بعدين
عجل على درب الوفا ماتونا

مبروك يا خالد ثلاثة ملايين
عساه يزرقك الولي ماتمنى

ويعطيك فوق اللي معك زود ثنتين
عشان تطنخ فالحياة وتهنا

من بعدها لاقلت لك خاوني "لين"
قلت انقلع بالله لا تمتحنا

حنا ورانا شغل ما حن بفاضين
بالله شف لك شي يشغلك عنا

ابشرك حنا على الدرب ماشين
وما فيه فرق بين انتم وحنا

وختامها مبروك عشرة ملايين
لكنّ لاتعرس الين تعزمنا

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر