خمسه وثلاثين - أحمد العولقي

يا بنت قبلك عشت خمسه وثلاثين
كل عام فيها يحكي مليون قصه

شفت الجميل اللي على الخلق والدين
وكل الخصال الطيبه له.. تخصه

وعفت الردي اللي تقنّع بوجهين
ما اعطيت مثله بين الايام فرصه

صاحبت نوره وضي وادمنت دارين
وسوسو اللتي للحين في القلب غصه

ومي ومنى وايمان واحلام وتالين
وسلوي وحنان وشوق بنت عم حصه

وباقي بعد لكني ناسيهم الحين
يعني بسيطه روحي واجيب رصّه

لا تظني بعدك اشقى الوضع بيزين
والحبل ياللي ما وصلني.. اقصه

معروف عني في حكايا المحبين
اخذ بكل الحب ما اقبل بنصّه

© 2024 - موقع الشعر