تقول وشبك عن حبايبك غايب
عفت المعاشر والصداقه وصديت
قلت ان بالي عن معاشرك طايب
اخير لي من عشرتك قعدت البيت
مادام ضني والرجا فيك خايب
ماهمني لن رحت واليا بعد جيت
عفيف نفس ولاترجا القرايب
لو من ظيوم الهم والوقت ونيت
اداوي اجروحي والف الخبايب
واستر نزيف الجرح عن حي وميت
وان مت يسترني نثيل الترايب
واهروج خلق الله لها ماتوحيت
تلقين غيري فالتويتر حبايب
ياكثرهم يابنت مثل الحلاتيت
يقول انا حبك ونا فيك ذايب
والبارحه من فيض الاشواق مامسيت
يدور الصوره لعين الصلايب
ورقم اتسلا فيه بين السرابيت
وانتي وراك اثنين والعود شايب
خربتي السمعه ولوثتي الصيت
لوهم طوال ايمان بيض النوايب
في مثلهم بين العرب ماتعزويت
علمي يخص اهل الصور والشوائب
والحب مابه عيب ل انكان حبيت
حب الشرف موجود مافيه عايب
العيب ابي صوره من الصدر واتحيت

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين