يقولون وشبك قلت ياناس مابي شي
وانا والله اللي خابرٍ كل مافيّه
ثلاثين من عمري وانا اشب نار الغي
فلو عشت عمر شعيب نار الهوى حيّه
على قو ناره قلب راعيه دايم نِي
يعيشون فيه احيان وشواتهم نيّه
اليا صار رمشه عن حجاجه بعيد إشوي
وموقٍ عليه من الفناجيل ماريّه
الياضاع في الكل رمشه يجي له فيّ
نبا الفي مار الموت في بارد الفيّه
اليا شفت مثل عيون هاذي حظك سي
تقوم القيامه وانت مالك عن السيّه
اليا قلت عطني حاجتي قال لي ياوي
ذبحني بكلمة وي عساه للويّه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين