قالو علامك - سلطان العتيبي

قالوا علامك طول وقتك تحاتسيه
وتشكي من اهموم ولوعه وحرقا

لاصار شوف العين من حظ راعيه
عذر وتلقالك من البيض ورقا

ودور على بيت عزيزه مبانيه
وشوف الحلا فيهم وطب وتنقا

قلت انها مثل القمر في مباديه
ومن بعدها كل المزايين فرقا

فيه الحلا والطيب والزين كاسيه
هيف على قذله وخال معرقا

ومبسم سوات البرق ماشي يحاليه
ورمش سوات الليل وعيون زرقا

وخشم سوات السيف للموت حانيه
وفيها وسط ضامر ومنتوق عنقا

والموت في مشيه ودقة خطاويه
عن كل زينات المخاليق يرقا

ماله شبيه فالدواسر يشاديه
ولا مع الهذلان وحروب تلقا

ولا مع المطران واسبيع طاريه
ولا مع العتبان روق وبرقا

وقحطان والا يام مانته ملاقيه
لو طفتهم ياسعود غرب وشرقا

خلو بنات الناس مابي العوض فيه
لوهي من ارض الشام خثره تسلقا

اليا شبك يدي حبيبي بياديه
يضيع منطوقي ويدي تعرقا

ابي انتظر لقيا حبيبي واداريه
لاتعذلون اللي خوافيه تبقا

والله لاعيش العمر صابر وانا ارجيه
واعيوني الثنتين بالدمع غرقا

© 2024 - موقع الشعر